Вядомы выпускнік Зэльвенскай школы  - паэт  Уладзімір Мазго.

   Ён нарадзіўся у 1959 г. У1964 г.сям’я пераехала ў Заходнюю Сібір. Там хлопчык пайшоў у школу.Калі Валодзя скончыў 2 класы, сям’я вярнулася ў Беларусь.Бацька купіў хату ў вёсцы Бярэжкі. Школа ў вёсцы была беларускамоўная, і Валодзю, які пачаў вучыцца ў Сібіры і добра не ведаў беларускай мовы, бацькі аддалі ў Зэльвенскую рускамоўную школу.  Пасля яе заканчэння ён паступіў на філалагічны факультэт БДУ.

Уладзімір Мінавіч быў карэспандэнтам газеты "Інтэграл”,супрацоўнікам літаратурна-драматычных праграм Беларускага тэлебачання,працяглы час працаваў рэдактарам выдавецтваў "Юнацтва”, "Мастацкая літаратура”. Цяперашняе яго  месца працы –дзіцячы часопіс "Вясёлка”, які быў і застаецца настольнай кнігай  для многіх пакаленняў  беларускіх дзяцей. У.Мазго -   член Саюза беларускіх пісьменнікаў.

   Творчая біяграфія  паэта вядзе пачатак з 1972 г.  Ужо ў 6-м класе ён пачаў пісаць вершы. Адзін з іх у 1972 г. быў надрукаваны ў газеце "Піянер Беларусі” (цяпер "Раніца”), другі - у часопісе "Бярозка”. З таго часу стаў юнкорам газеты "Піянер Беларусі”, дасылаў у яе рэдакцыю допісы, вершы, нарысы.

  Неаднаразова станавіўся пераможцам конкурсаў, якія праводзіліся гэтай газетай. У музеі ёсць граматы, якія гэта падцвярджаюць.

1-я кніга У. Мазго  "Пад спеў крыніц” выйшла з друку ў 1982 г. У 1989 г., убачыў свет і першы зборнік вершаў для дзяцей "Калі спрачаюцца маланкі”, потым з’явіліся наступныя дзіцячыя кнігі: "Суседзі па сусвеце”(1994), "Смехапад”(1999),”Прыгоды марахода”(2002).У 2005 годзе ён  стаў лаўрэатам прэміі Федэрацыі прафсаюзаў Беларусі ў галіне літаратуры і мастацтва, а па выніках 2005 года паэту  нададзена годнасць лаўрэата Літаратурнай прэміі імя Васіля Віткі.

Владимир Мазго